彼日了後，惜惜無閣看著知來。拜六暗智恆老爺遐有人客，共怹爸仔囝叫過去食飯，隔工惜惜猶閣咧無閒洗衫的時，知來就轉(zhuǎn)去學校。
然後下禮拜，知來無轉(zhuǎn)來，也無聽夫人咧唸，予惜惜踮路裡白白等足久，轉(zhuǎn)去閣予阿敏嫂罵。
閣過一禮拜就欲過年矣，厝內(nèi)逐家攏開始無閒，今年夫人買足濟布欲做新衫，惜惜平常時無咧鬥做衫，這回嘛來幫忙，攏無機會出門。
十二月二八，學校照常上課，厝裡透早就開始無閒拜拜，灶跤規(guī)工攏咧炊粿，惜惜跍甲跤攏麻矣，看著夫人行入來巡，緊骨力擛風。
「誠濟矣，等咧炊好先提寡去拜地基主。」
「是。」惜惜隨應，夫人看著是伊，本來欲行閣停落來。
「阿惜仔，你過年了後幾歲矣？」
惜惜攑頭，戇戇共應：「這馬十六，過年就十七矣。」
夫人頕頭：「確實大漢矣，若毋是知來講著，我閣當做你猶閣是囡仔。按呢吧，你也無爸母，婚事就予老爺幫你做主。」
惜惜雄雄反應袂過，呆呆仔看夫人。
夫人笑一下：「你上無嘛毋假無意歹勢一下，按怎嘛好，你家己若有佮意的，就予阿敏嫂知影，你嘛綴阮遮久，嫁粧毋共你虧待。」
惜惜看夫人離開灶跤，險咧袂記得家己咧炊粿，緊閣擲兩塊柴入去，灶內(nèi)火愈燒愈紅。
——現(xiàn)此時開始這世人註定會孤、貧、夭……
「孤，是孤單的孤。」惜惜對家己輕聲仔講，但是女大當嫁，伊袂當一世人踮林家。
毋過夫人是按怎會講「哪毋是知來講著」，哪毋是二少爺共夫人講啥，惜惜佇林家的日子就會當拖閣較久？
雖然學校無放假，二九暝彼下昏，知來佮鑑青嘛是做伙轉(zhuǎn)來，怹規(guī)家伙仔圍爐，惜惜捀菜捀幾若遍過去，伊看著知來佮鑑青答喙鼓，看著夫人共知新夾菜，一面罵細漢的知恩，兩位老爺咧開講，老夫人一直對大新婦踅踅唸，大少爺佮怹牽手細聲講話，兩位小姐恬恬食飯，細姨徛邊仔咧服侍，無人共惜惜影一下。
惜惜轉(zhuǎn)去灶跤，厝內(nèi)長工佮查某嘛咧圍爐，惜惜家己斟一碗，想欲坐踮門跤口，行到門邊就寒起來，閣行轉(zhuǎn)來，跍踮灶邊。
彼日嘛是跍佇遮，這馬想起來若像足久矣，明仔載閣是新的一年，惜惜嘛欲十七歲矣，想著昨昏夫人的話，毋捌代誌予少爺受氣的番仔婆，無共趕出去閣予伊嫁粧，應該歡喜才著，但是燒湯啉甲惜惜鼻水流袂煞。
彼暝，無爸無母的惜惜早早就去睏。
正月初一，厝內(nèi)查某攏放假，逐家相招欲去看新娘，惜惜留佇厝裡，就加減摒掃一下。
下昏時，逐家歡歡喜喜轉(zhuǎn)來，攏咧講佗一個新娘上媠，佗一軀新衫上好看，啥人請的糖仔較好食。
暗時欲睏猶講袂煞，惜惜共頭殼掩佇棉襀被內(nèi)底，嘛是聽著遐查某囡仔咧講。
「阿珠講暗時踮新房做的代誌，恁想敢是真的？」
「彼是咧騙囡仔的話吧？哪有可能共啥物囥腹肚內(nèi)。」
「蜜仔講予翁抱咧睏就過矣。」
「伊凊采講你也信。」
「毋管做啥物代誌，哪嫁著蜜仔彼號翁?糊糊，我攏無愛。」
「按呢上元你就愛去偷挽蔥。」
惜惜踮夢中聽著跤步聲，然後予人攬牢，彼雙手足有力，惜惜感覺淡薄仔疼，而且規(guī)身軀燒起來，伊攑頭，但是面予頭巾崁咧，看袂著彼個人。
上元彼日暗頓食了，智恆老爺鑑青佮知來出去，惜惜看著怹出門，就行入去屎礐，然後一隻鳥鼠色的大貓走出來。
上元暝的街路頂予鼓仔燈照甲朱朱紅，路裡攏是囡仔的笑聲，嘛有誠濟夫人小姐趁這工穿正月的新衫出來踅街。
貓仔佇人群跤邊咧走誠緊，無偌久就逐著林家爸囝三人，看怹無去廟埕迎鼓仔燈，愈行路裡愈無人，最後來到一間樓仔厝。
貓仔欲反入去牆內(nèi)真簡單，伊來到大廳外的時，聽著內(nèi)底無熟似的查埔人講：「雖然怹去日本重點毋是欲讀大學，嘛是愛揣一間學校當做欲讀書，林老爺欲共怹安排學啥？」
「我想，讀醫(yī)學袂?，到時軍中嘛誠有路用。」這是林智恆的聲。
「阿伯，我想欲讀法律。」
聽著林知來的聲，貓仔閣倚較近。
「法律？彼有啥物路用？」
「欲讀醫(yī)學臺灣就有當讀矣，攏走去到日本，我想欲讀法律。」
「你佮恁阿爹參詳一下，送恁去日本是為著唐山遐需要魔御，莫當做去迌。」
「讀啥攏無蓋要緊。」彼個無熟似的查埔人講，「東京的學校誠濟，我會當共怹安排較近的，鑑青啊，你呢？」
過一站仔才聽著鑑青的聲：「我攏會使。」
「鑑青猶閣愛讀一冬高校，這嘛愛請你安排，知來的部分我轉(zhuǎn)去佮仁恆閣講一下，伊決定欲按怎才閣予你知。」
「好啊，毋過新曆的四月就欲開學，上慢正月底就愛決定。」
「無問題。」
落來就是參詳錢的代誌，兩個大人講規(guī)半晡，貓仔踮門外睏去閣醒過來，猶袂聽怹講了，貓仔就走去。
走來到林家附近佃戶的菜園仔邊，若像有寡窸窸欶欶的烏影，貓仔才倚近，雄雄趒起來。
「啊啊啊！」
「緊旋！」
塗跤幾支蔥仔落落，兩個查某囡仔走無去，貓仔踮園仔邊停落來，共蔥仔鼻鼻咧，行出去兩步，閣行轉(zhuǎn)來，咬一支蔥仔落來。
「欸？遐敢是有貓咧食菜？」
聽著人聲，換做這隻貓隨旋去。
林家爸仔囝三人行過園仔邊，智恆老爺影一下。
「哪有啥物貓？」
攑提燈的鑑青四界看看。
「拄才分明佇遮，恁看，塗跤猶閣有菜。」
「彼是蔥。」知來踮後壁講。
「這間敢毋是阿塗怹兜？應該是你看毋著，若真正有會食菜的貓，就愛共掠起來。」
「一定是鑑青看毋著啦。」本來佇上後壁的知來行超過鑑青佮阿伯。
「緊來轉(zhuǎn)去吧。」智恆老爺嘛講，鑑青就乖乖仔行。
轉(zhuǎn)去了後，知來去後壁屎礐，看著惜惜行出來，惜惜看著有人來，緊共手藏佇咧身軀後壁，知來笑一下，出聲共叫：「阿惜，你拄才有出去乎？」
「啊。」惜惜驚一下徛踮彼袂講話。
「做歹代誌乎？」知來笑咧倚近。
「歹勢！」惜惜緊張甲隨向腰，「我是想講……是拄仔好看著爾爾，但是聽著欲去日本……」
「欸？」知來誠意外，惜惜嘛看會出來，所以無閣講話。
「我是講你手裡的物件。」知來細聲講。
惜惜共藏佇身軀後壁的蔥仔拗予碎糊糊。
「留學的代誌敢是聽阿娘講的？你免煩惱，阿娘答應欲幫你好好仔安排親事，按呢就算講我無佇咧，嘛袂有人共你欺負。」
惜惜聽甲頭犁犁，久久仔才應：「少爺，你若去日本，啥物人做你的靠山？」
講著這，知來展笑，足神祕的款：「你敢知影我是按怎欲去？」
惜惜幌頭。
「等咧去芭蕉園，有一項物件予你看。」
知來按呢講，惜惜就知影是頭一回變做番婆鬼的時，共知來過去的彼咧園仔，了後惜惜幾若擺用法術(shù)共幫忙嘛攏去遐，毋過刁工走去遐講話是頭一擺。
惜惜先轉(zhuǎn)去房間，看裡面攏無人，就偷偷仔對邊門走出去。
番婆鬼以外個奇幻主題這嘛才出現(xiàn)一個影，希望逐家莫驚著。
這篇小說了後按算欲印做一本薄薄仔個冊，若有興趣個人，請來 遮 予我調(diào)查一下，多謝！
達人
