這是一篇純臺文小說，預計每週五 默認跟隨國際橋牌社 更新，隔週三會有中文翻譯版，所以不看臺文的人可以等週三。小說分上下篇，約一個半月的短期連載。
類型應該算是民俗奇幻，本來想標個少女戀愛，但被看稿的朋友說完全沒有少女成分XD
第一次嘗試臺文小說，用字盡量以教育部為準，請先進不吝指教！
大正五年，煙花未開。
三月日頭到中晝嘛是赤燄燄，覆佇咧磚仔壁頂的烏貓嘛曝甲軟膏膏，半瞑半醒之間，伊的鼻仔雄雄抽一下，目睭嘛擘金，然後跳落來土跤。
惜惜對壁角踅出來，一個大籃仔踮伊焦瘦的胸坎前，籃仔內點薄臭臊味若有若無，伊看著烏貓，就跍落來，籃仔囥佇伊的大跤邊，籃蓋微微開一縫。
「咪！」烏貓倚來籃仔邊，但是予惜惜搶做前，共籃仔拖來尻脊骿後壁。
「來?！瓜Ч不@仔內上小尾的溪仔魚，擲佇咧烏貓面頭前，烏貓隨咬落，共猶閣有土味的魚仔食甲足好食款，一面食，一面予惜惜挲伊頭殼頂的毛。
惜惜的頭鬃尾垂落青衫前，烏頭蓋面的鉸剪眉下跤是烏肉瘦面，干焦目睭金爍爍咧看貓。
一支竹篙忽然間掃過來，烏貓一聲哀痛，目仔就走無去，賰半尾魚仔佇土跤。
「番仔婆閣咧毒貓矣！」
四、五個平平十幾歲的查埔囝，徛佇惜惜面頭前，笑甲比日頭卡燄。
惜惜徛起來，共籃仔攬佇咧胸坎前，伊雖然已經有十五歲，身懸體格猶閣成囡仔人，踮遮查埔囝中央若像狗仔圍貓。
「毋是番仔婆，是番婆鬼。」後壁一個囡仔講。
「番婆鬼是伊的阿娘啦！」頭前的囡仔講，「番仔婆，你的心肝盍會無予恁阿娘食去？」
「因為怹阿爹共怹阿娘刣做前矣?！沽硗庖粋€囡仔講。
「阿爹刣阿娘，查某囝做歹人?！乖谙戎v話的囡仔開始唸歌。
惜惜頭犁犁毋講話，若是干焦按呢無算啥，逐工嘛咧聽，但是上大漢彼個查埔囡仔伸手甲惜惜搝過來。
「盍毋講話？做啞口呢？」
邊仔的囡仔欲共惜惜攬牢牢的籃仔搶過，惜惜跤手猛，但是氣力輸人，籃仔內的魚菜落落一土跤。
「媠啦！按呢林家就袂予番婆鬼買的菜毒死矣。」
惜惜氣著，規個人對講話的囡仔衝過，煞予人偃倒佇土跤，邊仔隨一跤過來，踢佇伊的尻川?。
目睭瞌瞌，彼暝的血色就染紅心肝，耳孔中除了笑聲，猶閣有回憶中的哀鳴，彼當時惜惜啥物也無做，干焦聽著阿娘的聲音愈來愈細，連伊的面也看袂著……
「曾惜惜是林家的人，這馬列位敢是咧佮阮林家做對頭？」
清如流水的少年聲倚來倚近，圍佇惜惜邊仔的囡仔隨散去，惜惜現此時才褫金目睭，攑頭看著一軀烏暝墨的詰襟（tsu?-me-e-li）*，佮徛領頂頭標緻的笑面。
「林二少爺………」
「阮是咧……佮伊迌啦?！?/font>
高校的少年將車倒的籃仔捾起來。
「毋過阮兜阿惜當咧買菜，無閒佮恁遮猴囡仔辦公伙仔，猶毋緊閃！」
笑面少爺輕輕仔歹一聲，規大群囡仔走甲若飛，目仔隨無去。
「哼?！沽种獊硇γ孓D烏，「臭豎仔。」
「少爺……」惜惜對土跤爬起來，伸手共籃仔提轉來，然後共土跤猶閣會當食的菜抾起來，但是魚仔、豆腐……攏拍損去。
「阿惜?！沽种獊韺﹂掖刑岢鲆还蚜阈亲?，「遮予你去買菜，乘紲幫我買一本尪仔冊，《臺灣パック》（tai uan phah ku）*你敢知？愛上新的喔！」
惜惜頓頭，林知來才展笑。
「緊去吧?！?/font>
轉來到林家已經是午時，灶跤的阿敏嫂看著惜惜就結屎面，新來的阿華姊仔一面燃火，一面偷笑。
「你是閣趖去佗位摸飛？去一咧菜市仔若拍去?！拱⒚羯┕膊嘶@仔提過，看著內底的尪仔冊，「這啥？」
「少爺欲愛的?！瓜Ъ毬暬匕⒚羯?。
「人去買菜叫人買這五四三，時到就莫嘩枵。」講是按呢講，阿敏嫂共尪仔冊提予惜惜，「少爺的冊，你先共提過予伊吧?！?/font>
惜惜提了冊，趕緊離開灶跤。
這林家雖然無阿罩霧大房、太平四房遐呢出名，嘛是三落大厝，老夫人猶閣佇咧，林智恆佮林仁恆兩兄弟分灶無分家，兩家伙仔做夥徛踮祖厝，排第二的林仁恆蹛佇咧正廳西面，伊的大漢後生林知來的房間佇西護龍第一間。
惜惜行入二門，共房門前白布掀予開，知來坐佇桌仔前寫字，拄才的高校制服已經換做平常時的長衫。
「少爺。」
聽著惜惜的聲，知來越頭，手股捍佇椅撐，伸手共冊提過來。
「多謝。」
知來提著尪仔冊，也無越轉去冊桌，跤曲咧椅仔頂，隨共冊掀開，掀兩頁就微微仔笑，自出世干焦提過筆的指頭仔幼較若紙，毋過一個一個骨目嘛綴伊的年歲愈來愈粗，前兩冬猶閣略仔肨奶，這站面瘦落，真正是十七通歲的春風少年兄。
發現惜惜猶閣徛佇邊仔看，知來攑頭：「你嘛欲看呢？」
惜惜幌頭：「看無?！?/font>
「來?！怪獊砉矁苑匆贿呌柘Э?，「這個禿頭阿伯有看著無？伊就是臺灣總督，邊仔這個臺灣人是江定，就是進前才予掠著彼個噍吧年事件的頭人。」
惜惜一面聽一面頓頭，但是毋知影彼是啥物人，伊看著知來的目睭，綴伊的話聲金光爍爍。
「講起來嘛是真怪奇，這冊本來佇臺灣印，舊年總督府講這違法，煞來徙去日本，印了閣坐三工船轉來臺灣，若是講這冊無好，是按哪日本就會使印咧？」
知來的笑容干焦半邊，惜惜感覺伊毋是咧笑，但是毋知影原因。
這時，房門白布雄雄掀開。
「二兄，你今仔盍會無來？」來者是較知來差不多平歲的少年，雖然講矮小可仔，但是較有肉，一箍圓面誠古錐，伊踏入門才看著惜惜，「阿……阿惜嘛佇遮？」
「鑑青少爺?！瓜ь^犁犁，細聲仔叫。
這個林鑑青是知來大伯林智恆的第二後生，減知來一歲，人稱三少爺，蹛佇咧東護龍第二間，定定來揣知來。
「伊幫我提物件過來?！怪獊響?，「你咧？」
「毋是講好欲做夥去公學校陪知新練運動會的比賽？」鑑青大聲，聽起來誠委屈，「阮等足久呢。」
知來笑咧講：「遮大漢矣，閣愛人陪？」
「伊才讀公學校二年仔！」
「原來才公學校二年仔，我猶閣想講是十六歲矣。」
鑑青過一下才聽有知來咧共笑詼。
「毋管啦！你明仔載一定愛來?！硅a青喝了就走。
知來看三弟走去，越頭問惜惜：「我攏猶袂應，你講按呢敢有準算？」
惜惜攑頭看著知來的笑面，細聲應：「阿惜是夫人買轉來的人，知來少爺講的攏準算?！?/font>
知來的笑容無去。
「這馬的時代，人攏是自由的，哪有當買？」
惜惜無講話，知來嘆一聲。
「你先去無閒吧?！?/font>
「是?！瓜耍D去灶跤。
猶未行到就聽著阿華姊仔的聲：「夫人是按哪會買彼個阿惜轉來？人槌槌閣袂笑?！?/font>
惜惜跤步停佇咧灶跤外口。
「夫人嘛是好心，怹阿爹曾二豹較早是踮關刀山幫林家剉樹仔的工人，啥知伊有一工會共怹牽手刣死，予警察大人掠去，賰阿惜一個，老爺毋焦幫怹爸母辦後事，閣收伊做查某仔。」
「盍會按呢？怹阿娘討契兄呢？」
「閣較害，聽講怹母仔是番婆鬼。」
「番婆鬼？敢是會偷嬰仔心肝彼個番婆鬼？」
「嘿啊，伊是關刀山遐守城分的番仔婆，嫁予二豹隔冬就生阿惜，了後落胎幾若遍攏無生，人講因為番婆鬼註定會孤貧夭，才袂生後生，嘛有人講是予伊家己食去?！?/font>
「做人的查某囝袂當揀老母，但是做翁會當揀某，明明知影守城分遐攏番婆鬼，盍會去娶彼個番仔婆？遮呢驚人。」
「著咩！老爺佮夫人欲收留阿惜彼當時，阮逐家驚較欲死，毋過六冬矣，無發生啥物代誌。」
「好佳哉?！?/font>
聽到遮，惜惜刁工出力踏兩步仔，然後行入去灶跤。
* 文中若是有寫著日語，攏正文寫日語，後壁用羅馬字注音。
